جدہ جانیوالے 6 مسافروں سے بڑی تعداد میں سگریٹ کے پیکٹس برآمد/ اردو ورثہ

کراچی : جناح انٹرنیشنل ایئرپورٹ پر جدہ جانیوالے 6مسافروں سے بڑی تعداد میں سگریٹ کے پیکٹس برآمد کر لیے گئے۔

تفصیلات کے مطابق کراچی میں کسٹمز نے جناح انٹرنیشنل ایئرپورٹ پر کارروائی کرتے ہوئے سگریٹ سمیت ممنوعہ اشیا کی اسمگلنگ ناکام بنا دی۔

کسٹمز حکام کا کہنا تھا کہ جدہ جانیوالے 6 مسافروں سے بڑی تعداد میں سگریٹ پیکٹس برآمد کرلیے۔

حکام نے کہا کہ دوران تلاشی مجموعی طور پر28 ہزارسے زائد سگریٹ پیکٹس برآمد کئے گئے، پکڑے گئے سگریٹ کی مالیت لاکھوں روپے بتائی جاتی ہے۔

ڈپٹی کلکٹر کسٹمز حکام کا کہنا تھا کہ جدہ جانیوالے مسافر سے ممنوعہ اشیا نسوار کے 1 ہزار 710پیکٹس بھی برآمد کرلئے۔

Comments