سونے کی قیمت میں تاریخی اضافہ، تمام حدیں پار کرلیں/ ویب ڈیسک

کراچی : عالمی منڈی اور مقامی سطح پر سونے کی فی تولہ قیمت میں ایک بار پھر اضافہ سامنے آیا ہے جس کے بعد قیمت بلند ترین سطح پر جا پہنچی۔

تفصیلات کے مطابق بین الاقوامی بلین مارکیٹ میں فی اونس سونے کی قیمت 19ڈالر کے اضافے کے ساتھ 2 ہزار 374 ڈالر کی بلند ترین سطح پر پہنچ گئی۔

آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت 1900 روپے اضافے سے 2 لاکھ 47 ہزار 600 روپے ہوگئی۔

10گرام سونے کا بھاؤ 1629 روپے اضافے سے 2 لاکھ 12 ہزار 277 روپے ہے۔ ایسوسی ایشن کے مطابق عالمی مارکیٹ میں سونا19ڈالراضافےسے2374ڈالرفی اونس کی نئی سطح پر پہنچ گیا۔

واضح رہے کہ مشرق وسطیٰ بحران مستقل برقرار رہنے سے عالمی سطح پر خام تیل کی مسلسل بڑھتی ہوئی قیمتوں کے باعث یومیہ بنیادوں پر سونے کی عالمی ومقامی قیمتیں تاریخ کی بلند ترین سطح عبور کررہی ہیں۔

Comments