سی اے اے نے اہم سنگ میل عبور کرتے ہوئے عالمی ہوا بازی کی تنظیم اکاو کے یونیورسل ایوی ایشن سیکیورٹی آڈٹ میں کامیابی حاصل کرلی۔
تفصیلات کے مطابق پاکستان سول ایویشن نے باآسانی نئے (آئی کیو) بینچ مارک/ معیار 2023 اہداف کو حاصل کیا۔ سول ایویشن (آئی کیو) 2030 کے بیشتر گولز/ مقاصد حاصل کرنے میں بھی کامیابی رہی۔
آئی کیو کا 2023 کے لیے 80 فیصد ہدف مقرر کیا گیا تھا جبکہ پاکستان نے 86 اعشاریہ 73 فیصد کے اسکور سے کامیابی حاصل کی۔ سول ایویشن کا سال 2023 کے لیے یہ اسکور آئی کیو 2030 کے ہدف 90 فیصد کے بہت قریب ہے۔
شہری ہوابازی کی بین الاقوامی تنظیم ICAO نے فروری میں جناح انٹرنیشنل ایئرپورٹ کراچی کا دس روزہ ایوی ایشن سیکیورٹی آڈٹ کیا تھا۔
اس آڈٹ کا مقصد گلوبل ایوی ایشن سیکیورٹی کے معیار کی مسلسل مانیٹرنگ اور آڈٹ کے ذریعے بہتر بنانا ہے۔
اس آڈٹ کی کامیابی نیشنل ایوی ایشن سیکیورٹی ایکٹ 2023 اور ایئرپورٹس عملے، ایئر لائنز، کارگو ایجنٹس، گراؤنڈ ہینڈلرز اور اے ایس ایف کی مسلسل کوششوں کا نتیجہ ہے۔
Facebook Comments