اسلام آباد: وزیر اعظم شہباز شریف نے آزاد کشمیر کی موجودہ صورتحال کا نوٹس لیتے ہوئے مسلم لیگ (ن) کی قیادت کو ایکشن کمیٹی سے فوری رابطے کی ہدایت کر دی۔
سماجی رابطوں کی ویب سائٹ ایکس (سابق ٹوئٹر) پر جاری اپنے بیان میں وزیر اعظم شہباز شریف نے کہا کہ مذاکرات اور پُرامن احتجاج جمہوریت کا حسن ہے۔
شہباز شریف نے خبردار کیا کہ قانون ہاتھ میں لینے اور سرکاری املاک کو نقصان پہنچانا برداشت نہیں کیا جائے گا، ایسے حالات میں کچھ عناصر سیاسی پوائنٹ اسکورنگ کرتے ہیں۔
انہوں نے کہا کہ آزاد کشمیر کے وزیر اعظم چوہدری انوار الحق سے بات کی ہے، تمام جماعتیں مطالبات کے حل کیلیے پُرامن راستہ اختیار کریں، امید ہے بہترین کوششوں سے معاملہ جلد حل ہو جائے گا۔
Deeply concerned about the situation in AJK.
Unfortunately in situations of chaos and dissent there are always some who rush in to score political points. While debate, discussion and peaceful protests are the beauties of democracy , there should be absolutely no tolerance for…
— Shehbaz Sharif (@CMShehbaz) May 12, 2024
دوسری جانب صدر مملکت آصف علی زرداری نے آزاد کشمیر حکومت کو مظاہرین پر تشدد سے روک دیا ہے اور پیپلز پارٹی آزاد کشمیر کی پارلیمانی کمیٹی کو شام 7 بجے ملاقات کیلیے طلب کیا ہے۔
آزاد کشمیر میں سستی بجلی اور سستے آٹے کیلیے عوامی ایکشن کمیٹی کی اپیل پر مکمل پہیہ جام اور شٹر ڈاؤن ہڑتال کا آج تیسرا دن ہے۔
گزشتہ روز اسلام گڑھ میں عوامی ایکشن کمیٹی اور پولیس میں تصادم کے دوران نامعلوم ملزم کی فائرنگ سے سب انسپکٹر عدنان قریشی جاں بحق ہوئے تھے۔
Facebook Comments