معروف گلوکار عاطف اسلم نے ننھی بیٹی کی سالگرہ کے موقع پر پہلی جھلک مداحوں کو دکھا دی۔
فوٹو اور ویڈیو شیئرنگ ایپ انسٹاگرام پر گلوکار عاطف اسلم نے ننھی بیٹی حلیمہ کی پہلی سالگرہ کے موقع پر تصاویر شیئر کیں جسے مداحوں کی جانب سے خوب سراہا جارہا ہے۔
ایک تصویر میں عاطف اسلم بیٹی کو گود میں اٹھائے ہوئے ہیں جبکہ دوسری تصویر میں ننھی حلیمہ گھر میں موجود ہیں۔
گلوکار نے تصاویر شیئر کرتے ہوئے کیپشن میں لکھا کہ ’بابا نے شہزادی کا جوتا جیب میں رکھا ہے جب حلیمہ کو چاہیے ہوگا بتادینا۔
انہوں نے ننھی بیٹی کو سالگرہ کی مبارک باد دیتے ہوئے آج کی تاریخ بھی درج کی۔
عاطف اسلم کی بیٹی کی سالگرہ پر ساتھی فنکاروں اور مداحوں کی جانب سے مبارک باد اور دعائیں دی جارہی ہیں۔
واضح رہے کہ عاطف اسلم اور سارہ بھروانہ 2012 میں رشتہ ازدواج میں منسلک ہوئے ان کے دو بیٹے اور ایک بیٹی ہے۔
Facebook Comments