کراچی ائیرپورٹ پر بچی سے ناروا سلوک کرنے والے ائیرپورٹ سکیورٹی فورس(اے ایس ایف) کے سب انسپکٹر محمد شعبان پر چارج شیٹ عائد کر دی گئی۔
تفصیلات کے مطابق اے ایس ایف کے سب انسپکٹر محمد شعبان کیخلاف آرمی ایکٹ، اے ایس ایف ایکٹ کے تحت کارروائی ہوگی، سب انسپکٹر پر آرمی ایکٹ کی دفعہ 55 کے تحت فورس ڈسپلن خلاف ورزی کا الزام عائد کیا گیاہے۔
بچی سے ناروا سلوک : اے ایس ایف نے واقعے کی حقیقت بیان کردی
چارج شیٹ میں کہا گیا ہے کہ ملزم نے10 مارچ 2024 کو دوپہر12:50 پر کم عمر بچی کو کراچی ائیر پورٹ پر بالوں سے پکڑا اور دھکا دیا جس کی وجہ سے وہ گر گئی، ملزم پر یہ بھی الزام ہے کہ اس نے اپنی بدسلوکی کی اطلاع حکام بالا کو نہیں دی۔
واضح رہے کہ کراچی ائیرپورٹ پر 10 مارچ کو اے ایس ایف افسر کی جانب سے بچی سے ناروا سلوک کی ویڈیو وائرل ہوگئی تھی، اے ایس ایف افسر نے کم سن بچی کو بالوں سے پکڑ کر فرش پر پھینک دیا تھا۔
Facebook Comments