ممبئی: بالی وڈ کے میگا اسٹار امیتابھ بچن نے رئیل اسٹیٹ میں نمایاں سرمایہ کاری کرتے ہوئے کروڑوں روپے کی زمین خرید لی۔
امیتابھ بچن نے 10 ہزار مربع فٹ زمین کا ٹکڑا ممبئی کے قریب علی باغ میں ’اے علی باغ پروجیکٹ‘ میں خریدا، 20 ایکڑ پر محیط اس زمین پر گزشتہ سال ترقیاتی کام شروع ہوا تھا۔
10 کروڑ روپے کی لین دین دی ہاؤس آف ابھینندن لودھا کے ساتھ مل کر مکمل کی گئی اور اسے پچھلے ہفتے سرکاری طور پر رجسٹر کروایا گیا۔
اس متعلق ابھینادن لودھا ہاؤس یا میگا اسٹار کی جانب سے کوئی باضابطہ بیان جاری نہیں کیا گیا۔
یہ پہلا موقع نہیں جب امیتابھ بچن بلڈرز کے ساتھ سرمایہ کاری کر رہے ہوں، ماضی میں بھی میگا اسٹار نے ایودھیا میں سرمایہ کاری کی تھی۔
امیتابھ بچن نے اُس پرتعیش سیون اسٹار پروجیکٹ میں بھی کافی سرمایہ کاری کی ہے جو اس وقت بھگوان رام کے خوبصورت شہر میں زیرِ تعمیر ہے۔
علی باغ ساحلی شہر اپنی قدرتی خوبصورتی اور ممبئی سے تعلق کیلیے جانا جاتا ہے۔ شاہ رخ خان نے فروری 2024 میں اپنی بیٹی و نوجوان اداکارہ سہانا خان کے ساتھ 9.5 کروڑ روپے میں زمین خریدی تھی۔
Facebook Comments