fbpx
خبریں

کوئی ویب سائٹ اگر غلطی سے بند ہوجائے تو کیا کریں؟

گوگل کروم استعمال میں آسان، محفوظ اور مقبول ترین ویب براؤزر ہے جسے اینڈرائیڈ کے لیے ڈیزائن کیا گیا ہے۔

گوگل کروم روزانہ کروڑوں افراد کے لیے ذاتی نوعیت کے خبروں کے مضامین، پسندیدہ سائٹس کے فوری لنکس، ڈاؤن لوڈز،گوگل سرچ اور گوگل ٹرانسلیٹ بلٹ ان لاتا ہے۔

گوگل کروم میں بیشتر صارفین بیک وقت متعدد ٹیبز اوپن کرلیتے ہیں جس کی وجہ سے اکثر اس میں مطلوبہ ویب سائٹ تلاش کرنے میں مشکلات کا سامنا کرنا پڑتا ہے۔

مگر کئی بار غلطی سے لوگ اس ٹیب کو ہی کلوز یا بند کر دیتے ہیں جس پر انہیں کام کرنا ہوتا ہے یا اسے پڑھنا ہوتا ہے، ایسا ہونے سے کافی جھنجلاہٹ ہوتی ہے۔

غیر ملکی خبر رساں ادارے کی رپورٹ کے مطابق اگر آپ غلطی سے کسی ٹیب کو بند کر دیتے ہیں تو خوش قسمتی سے اسے ری اوپن کرنا بہت آسان ہے۔

Google

جی ہاں واقعی اس کے لیے زیادہ محنت کرنے کی ضرورت نہیں بلکہ حادثاتی طور پر بند ہو جانے والے ٹیب کو اوپن کرنے کا طریقہ بہت آسان ہے۔

اس کے لیے گوگل کی جانب سے کروم میں ہی چند فیچرز رکھے گئے ہیں جن کی مدد سے کلوز ٹیب کو چند سیکنڈ میں ری اوپن کیا جا سکتا ہے۔

Ctrl + Shift + T شارٹ کٹ
یہ کروم میں غلطی سے بند ہو جانے والے ٹیب کو ری اوپن کرنے کا آسان اور تیز ترین طریقہ ہے۔

اگر کوئی سائٹ غلطی سے بند ہوگئی ہے تو فوری طور پر Ctrl، Shift کو دبا کر T پر کلک کریں۔

ایسا کرنے پر گوگل کروم پر سب سے آخر میں بند ہونے والا ٹیب ری اوپن ہو جائے گا۔

اگر آپ مسلسل T دباتے رہیں گے تو اس سے پہلے بند ہونے والی ویب سائٹس بھی اس شارٹ کٹ سے اوپن ہو جائیں گی۔

یہ واضح رہے کہ یہ شارٹ کٹ گوگل کروم کے انکوگینٹو موڈ پر کام نہیں کرتا۔

ایڈریس بار پر رائٹ کلک کریں

اگر آپ کی بورڈ کو چھوئے بغیر بند ہونے والی ویب سائٹ دوبارہ اوپن کرنا چاہتے ہیں تو ماؤس سے بھی یہ کام کیا جا سکتا ہے۔

اس کے لیے ماؤس کرسر کو براؤزر کے اوپر موجود خالی جگہ پر رکھ کر رائٹ کلک کریں اور وہاں ری اوپن کلوزڈ ٹیب کے آپشن کا انتخاب کریں۔

ایسا کرنے سے سب سے آخر میں بند ہونے والا ٹیب اوپن ہو جائے گا۔

براؤزنگ ہسٹری چیک کریں

اگر آپ کسی ایسے مخصوص ٹیب کو اوپن کرنا چاہتے ہیں جس کو کچھ دیر پہلے بند کیا ہو تو اس کے لیے براؤزر ہسٹری میں جائیں۔

کی بورڈ پر Ctrl+H شارٹ کٹ سے آپ کروم براؤزر ہسٹری اوپن کر سکتے ہیں۔ براؤزنگ ہسٹری ڈیٹ یا گروپ کی شکل میں تقسیم کی جاتی ہے۔

اگر آپ بائی ڈیٹ کے ذریعے ہسٹری کو دیکھتے ہیں تو وہاں نظر آنے والے ویب لنکس وقت کے مطابق نظر آتے ہیں۔ بائی گروپ آپشن کے استعمال پر سرچ ٹرمز کے مطابق چند منفرد ویب لنکس نظر آئیں گے۔

Comments




Source link

Facebook Comments

رائے دیں

Back to top button