ڈیرہ اسماعیل خان: تھانہ چودھوان پر دہشت گردوں نے رات گئے حملہ کیا، جس کے باعث 10 پولیس اہلکار شہید، 6 زخمی ہوگئے۔
اے آر وائی نیوز کے مطابق پولیس کا کہنا ہے کہ پولیس اور دہشت گردوں میں فائرنگ کا تبادلہ 2 سے ڈھائی گھنٹے جاری رہا، جبکہ پولیس لائن سے بھاری نفری متاثرہ تھانے پہنچ گئی۔
پولیس کے مطابق زخمیوں کو درابن کلاں اسپتال سے ڈی آئی خان منتقل کیا جارہا ہے، سیکورٹی کی بھاری نفری نے مذکورہ علاقے کو گھیرے میں لے لیا ہے۔ دہشت گردوں کی تلاش کے لئے سرچ آپریشن شروع کردیا گیا ہے۔
اس سے قبل بھی ماہ ڈیرہ اسماعیل خان میں ابا شہیدچیک پوسٹ پردہشت گردوں نے حملہ کیا تھا، جسے پولیس نے ناکام بنادیا تھا۔
پولیس ذرائع کا اس حوالے سے کہنا تھا کہ چیک پوسٹ پر فائرنگ سے 2 پولیس اہلکار معمولی زخمی ہوئے۔
پولیس کی جوابی فائرنگ سے حملہ آور فرار ہونے میں کامیاب ہوگئے، شدید فائرنگ سے علاقے میں شدید خوف و ہراس پھیل گیا تھا۔
Facebook Comments