fbpx
خبریں

پرنس گل سے بہتر بیٹنگ سراج کرلیتا ہے، بھارتی فینز پلیئرز کا مذاق اڑانے لگے

پہلے ٹیسٹ میں بھارتی بیٹنگ دیکھ کر ٹیم کے مداح خود ہی اپنے اسٹار پلیئرز کا مذاق اڑانے لگے، سراج کو گل سے بہتر بیٹر قرار دیدیا۔

انگلینڈ کے خلاف پہلے ٹیسٹ میچ میں بھارتی ٹیم کو اپنے ہوم گراؤنڈ پر عبرتناک شکست کا سامنا کرنا پڑا تھا۔ دوسرے اننگز میں 231 رنز کا تعاقب کرتے ہوئے میزبان بیٹنگ کے تمام نقائص آشکار ہوگئے تھے اور ٹیم 202 رنز پر ڈھیر ہوگئی تھی۔

ایسے میں دل چلے شائقین نے انٹرنیٹ پر اپنی بھڑاس نکالی اور محمد سراج کو بھارتی اوپنر شبمن گل اور مڈل آرڈر بیٹر شریاس آئیر سے بہتر بیٹر قرار دیدیا ہے۔

پریشر کے دوران دوری اننگز میں شمبن گل صفر پر اپنی وکٹ گنوا بیٹھے تھے جبکہ پہلی اننگز میں بھی انھوں نے صرف 23 رنز اسکور کیے تھے۔

دوسری جانب شریاس آئیر کی کارکردگی بھی نہایت واجبی رہی تھی اور وہ دنوں اننگز میں بالترتیب 35 اور 13 رنز بنا پائے تھے۔

سوشل میڈیا پلیٹ فارم ’ایکس‘ پر ایک صارف نے بھڑاس نکالتے ہوئے کہا کہ سراج کی بیٹنگ ’پرنس گل‘ اور اسپن پر مار دھاڑ کرنے والے ’آئیر‘ سے بہتر ہے۔

ایک صارف نے لکھا کہ ’گل بیٹھا ہے آئیر کے فیلیئر کے بھروسے جبکہ آئیر بیٹھا ہے گل کے فیلیئر کے بھروسے‘۔

ایک شخص کا کہنا تھا کہ شبمن گل اور شریاس آئیر کے لیے کافی اچھا موقع تھا کہ کوہلی کی عدم موجودگی میں پرفارمنس دکھاتے۔

Comments




Source link

Facebook Comments

رائے دیں

Back to top button