دنیا بھر میں پیغام رسانی کے لیے استعمال ہونے والی معروف موبائل ایپلی کیشن واٹس ایپ نے اپنے صارفین کی بڑی مشکل آسان کردی، اب لاک اسکرین کے ذریعے بھی پیغامات بلاک کیے جاسکیں گے۔
معروف سوشل میڈیا پورٹل واٹس ایپ پر جب کسی نامعلوم نمبر سے آپ کو کوئی پیغام موصول ہوتا ہے تب واٹس ایپ صارف کو پیغام بھیجنے والے نمبر کے نیچے ایک وارننگ نوٹ دیتا ہے۔
رپورٹ کے مطابق اس سہولت کا بنیادی مقصد غیر معمولی تیزی سے اور بڑی تعداد میں آنے والے ناپسندیدہ یا ان چاہے پیغامات کو روک کر صارفین کی پریشانی کم کرنا ہے۔
ناپسندیدہ پیغامات کو بلاک کرنے کے نئے فیچر کی مدد سے واٹس ایپ کے صارفین کو اب اپنی ڈیوائس ان لاک نہیں کرنا پڑے گی اور ایپ کے اندر نیویگیشن کی بھی ضرورت پیش نہیں آئے گی۔
پیغام کا نوٹیفکیشن موصول ہونے پر صارفین محض نوٹیفکیشن کو پریس کرکے مختلف آپشنز تک پہنچ سکیں گے، ان میں پیغامات کو بلاک کرنے کا آپشن بھی شامل ہوگا۔
صارفین کے اختیار میں ہوگا کہ کسی بھی نمبر کو بلاک کرنے کی اطلاع متعلقہ نمبر کو دینی ہے یا نہیں۔
پیغامات بلاک کرنے کا سادہ اور آسان طریقہ
Settings > Privacy > Blocked contacts > Add >
Add کی جگہ متعلقہ نمبر فیڈ کیا جائے گا۔ اس طرح کسی بھی نمبر کو بلاک کیا جاسکتا ہے اور اسے مطلع کرنے یا نہ کرنے کا آپشن بھی بروئے کار لایا جاسکتا ہے۔
Facebook Comments