fbpx
خبریں

نیپرا کا پاور پلانٹس سے بجلی کی ترسیل کے عارضی انتظامات پر اظہار تشویش

نیپرا نے پاورپلانٹس سے بجلی کی ترسیل کے عارضی انتظامات پر تشویش کا اظہار کیا ہے، نیپرا کی رپورٹ کے مطابق این ٹی ڈی سی پاورپلانٹس سے مقررہ مدت میں بجلی ترسیل کے انتظامات میں ناکام رہا ہے۔

اے آر وائی نیوز کے مطابق نیپرا کی رپورٹ میں کہا گیا ہے کہ این ٹی ڈی سی مقررہ بجٹ اورمدت میں منصوبے مکمل کرنے میں ناکام رہی ہے، این ٹی ڈی سی بجلی کی ترسیل کیلئے تاحال عارضی انتظامات ہی کررہا ہے۔

دستاویز میں کہا گیا ہے کہ ترسیلی نظام نہ ہونے سے صارفین کومہنگی بجلی فراہم کی جارہی ہے، پاور سیکٹر میں عارضی انتظامات کے مستقبل میں تباہ کن نتائج ہوسکتے ہیں۔

این ٹی ڈی سی کا 2 سال میں 369 ارب 22 کروڑ روپے سرمایہ کاری کا منصوبہ ہے۔

نیپرا کی رپورٹ کے مطابق این ٹی ڈی سی میں پیشہ ور افراد کی کیپسٹی بلڈنگ کی اشدضرورت ہے،جبکہ این ٹی ڈی سی بجلی کی ترسیل کیلئے جامع پروگرام مرتب کرے۔

Comments




Source link

Facebook Comments

رائے دیں

Back to top button