لاہور : خاتون نے مال سے چھلانگ لگا خودکشی کرلی

لاہور : ڈیفنس میں خاتون نے مال سے چھلانگ لگادی اور موقع پر ہی دم توڑ گئی، پولیس نے ایک شخص کو حراست میں لے کر تفتیش شروع کردی ہے۔

تفصیلات کے مطابق لاہور کے علاقے ڈیفنس میں خاتون نے مال سے چھلانگ لگا خودکشی کرلی۔

پولیس حکام نے بتایا کہ عمارت سے چھلانگ لگانی والی خاتون موقع پر ہی دم توڑ گئی تھی، جس کی لاش کو ضابطہ کی کارروائی کیلئے اسپتال منتقل کر دیا گیا ہے۔

خاتون کی شناخت حلیمہ کے نام سے ہوئی، خاتون کیولری گراؤنڈ کی رہائشی ہے،

پولیس نے ایک شخص کو حراست میں لے کر تفتیش شروع کردی ہے جبکہ خاتون کی مال سے چھلانگ لگا نے کی فوٹیج سامنے آگئی ہے ، فوٹیج میں ایک شخص کو خاتون کو چھلانگ لگانے سے روکتے دیکھا جا سکتا ہے۔

Comments