fbpx
خبریں

ساراوان میں پاکستانی شہریوں کا قتل قابل مذمت ہے، ایران

تہران : ایرانی حکومت کی جانب سے ساراوان میں  9بے گناہ پاکستانی شہریوں کے قتل کی مذمت کی گئی ہے۔ 

تفصیلات کے مطابق پاکستانی سرحد سے ملحقہ ایران کے علاقے ساراوان میں 9 پاکستانی مزدوروں کے قتل کے واقعے پر ایرانی وزارت خارجہ نے گہرے دکھ اور مذمت کا اظہار کیا ہے۔

اس حوالے سے ترجمان ایرانی وزارت خارجہ ناصرکنعانی نے اپنے بیان میں کہا کہ متعلقہ حکام کی طرف سے واقعے کی تحقیقات کی جارہی ہیں۔

ترجمان کا کہنا تھا کہ حکومت پاکستان اور متاثرین کے اہل خانہ سے دلی ہمدردی اور تعزیت کا اظہار کرتے ہیں۔

انہوں نے کہا کہ دشمنوں کو ایران، پاکستان برادرانہ تعلقات کو کسی صورت نقصان پہنچانے کی اجازت نہیں دیں گے۔

قبل ازیں پاکستانی دفتر خارجہ نے بھی اپنے بیان میں ایران میں پاکستانی شہریوں کا قتل ہولناک اور قابل نفرت واقعہ قرار دیا۔

ترجمان دفترخارجہ ممتاز زہرا بلوچ کا کہنا تھا کہ پاکستان واقعے کی مذمت کرتا ہے۔ ہم ایرانی حکام کے ساتھ رابطے میں ہیں، پاکستان نے واقعے کی تحقیقات اور گھناؤنے جرم میں ملوث افراد کا محاسبہ کرنے پر زور دیا۔

Comments




Source link

Facebook Comments

رائے دیں

Back to top button