شوبز انڈسٹری کی خوبرو اداکارہ زباب رانا نے معنی خیز ویڈیو پیغام شیئرکردیا۔
فوٹو اور ویڈیو شیئرنگ ایپ انسٹاگرام پر اداکارہ زباب رانا نے ویڈیو شیئر کی جس میں انہیں بیٹھے کتاب پڑھتے دیکھا جاسکتا ہے۔
زباب رانا نے ویڈیو شیئر کرتے ہوئے لکھا کہ جب آپ یہ ماننا شروع کردیتے ہیں کہ کائنات آپ کے حق میں کام کررہی ہے، یاد رکھٰں کائنات آپ کو صرف وہی دیتی ہے جو آپ کے خیال میں آپ حاصل کرنے کے لائق ہیں۔‘
ویڈیو کلپ میں انہیں سیل فون اور گلدستہ پکڑے اور اس کی خوشبو سونگھتے دیکھا جاسکتا ہے۔
اداکارہ نے چند گھنٹوں قبل یہ پوسٹ شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
زباب رانا سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی انہوں نے ویڈیو شیئر کی تھی جو وائرل ہوگئی تھی۔
ایک انٹرویو میں شادی کے لیے آئیڈیل شخص کے بارے میں سوال پر زباب رانا نے کہا کہ اس سوال سے میں تھک گئی ہوں، صرف اتنا کافی ہے کہ وہ صرف اچھا انسان ہو۔
اداکارہ زباب رانا کا کہنا تھا کہ میں ایک ایسے لڑکے سے شادی کرنا چاہوں گی کہ جب میں کبھی کسی غلط راستے پر ہوں تو وہ شخص مجھے خیر کے راستے پر لے کر جائے۔
ان کا کہنا تھا کہ میں کام کے دوران صرف کام پر ہی دھیان دیتی ہوں، اور میری خواہش ہے کہ میں نعمان اعجاز اور سجل علی کے ساتھ کام کروں۔
زباب رانا نے ڈرامہ سیریل ’وہ پاگل سی‘ بھڑاس‘، رشتے بکتے ہیں، بندش اور میرے خدایا میں اداکاری کے جوہر دکھائے تھے۔
Facebook Comments