fbpx
خبریں

ریاستی اداروں کے خلاف پروپیگنڈہ بے نقاب، غلام شبیر کا اعترافی بیان منظر عام پر آ گیا

ریاستی اداروں کے خلاف مخصوص سیاسی جماعت کا من گھڑت پروپیگنڈہ ایک بار پھر بری طرح بے نقاب ہو گیا ہے، غلام شبیر کا اعترافی بیان بھی منظر عام پر آ گیا۔

تفصیلات کے مطابق مخصوص سیاسی جماعت اپنے مزموم عزائم کے حصول کے لیے ہر حد پار کر گئی، سوشل میڈیا پر مخصوص سیاسی جماعت کے ہینڈلرز نے غلام شبیر نامی شخص کی ویڈیو وائرل کی تھی، جس میں وہ ریاستی اداروں کے خلاف غلیظ زبان استعمال کر رہا تھا۔

پروپیگنڈا اکاؤنٹس نے غلام شبیر کی ویڈیو سوشل میڈیا پر مذموم مقاصد کے حصول کے لیے وائرل کی تھی، تاہم قانون نافذ کرنے والے اداروں نے جب تفتیش کی تو ہوش ربا انکشافات سامنے آئے، اس سلسلے میں غلام شبیر کا اعترافی بیان بھی منظر عام پر آ گیا ہے جو ڈی جی خان کا رہائشی ہے ۔ معلوم ہوا کہ چند پیسوں کے عوض مجبور غلام شبیر سے مخصوص سیاسی جماعت کے کارندوں نے ریاستی اداروں کے خلاف ویڈیو بنوائی اور سوشل میڈیا پر پروپیگنڈا شروع کر دیا۔

غلام شبیر نے اعتراف کیا ’’میں نے پی ٹی آئی سے پیسوں کی لالچ میں آ کر یہ بیان دیا۔‘‘ مخصوص سیاسی جماعت کا یہ پروپیگنڈا بیرونی ممالک سے ریاستی اداروں کے خلاف سوچی سمجھی سازش کے تحت کیا جا رہا ہے۔ غلام شبیر نے اعترافی بیان کے ساتھ ساتھ ریاستی اداروں کے خلاف نعرے بازی پر معافی بھی مانگی۔

غلام شبیر کی ویڈیو مخصوص سیاسی جماعت کے ہینڈلر وقار خان نے شیئر کی تھی جو کہ امریکا میں رہائش پذیر ہے، وقار خان میری لینڈ یو ایس اے میں پی ٹی آئی کا صدر ہے، وقار خان باہر بیٹھ کر مسلسل پاکستان اور اداروں کے خلاف پروپیگنڈا کرتا ہے۔

واضح رہے کہ گزشتہ کچھ عرصے کے دوران مخصوص سیاسی جماعت نے اعلیٰ عدلیہ کو بھی نشانہ بنایا، لسبیلہ شہدا کی شہادت پر بے بنیاد پروپیگنڈا اور شہدا کے لواحقین کی دل آزاری بھی کسی سے ڈھکی چھپی نہیں ہے، اِسی طرح ملک سے باہر بیٹھے سیاسی جماعت سے جڑے دیگر اکاؤنٹس بھی ہر قمیت پر پاکستان مخالف پروپیگنڈا کرنے کا کوئی موقع ہاتھ سے نہیں جانے دیتے۔

Comments




Source link

Facebook Comments

رائے دیں

Back to top button