رہائشی سوسائٹی کی باؤنڈری وال کے پاس ایک خونخوار تیندوے کو آزادانہ طور پر چہل قدمی کرتے ہوئے دیکھا گیا، جس کے بعد محکمہ جنگلات نے الرٹ جاری کردیا ہے۔
تفصیلات کے مطابق بھارت کے شہر ممبئی کی ایک رہائشی سوسائٹی کے پاس رات کے وقت ایک تیندوا اچانک نمودار ہوا جسے سی سی ٹی وی کیمروں کی مدد سے دیکھا گیا۔
خونخوار تیندوے کو باؤنڈری وال کے قریب گھومتے ہوئے دیکھے جانے کے بعد ممبئی کی سوسائٹی میں خوف و ہراس پھیل گیا جس کے بعد مکینوں نے محکمہ جنگلات سے رابطہ کیا۔
Videos | Leopard spotted behind barbed boundary wall of Oberoi Splendor on JVLR in Mumbai. pic.twitter.com/IZqsSm11mU
— MUMBAI NEWS (@Mumbaikhabar9) February 11, 2024
بعد ازاں محکمہ جنگلات کے حکام نے فوری اقدامات کرتے ہوئے چیتے کو قابو کرکے پکڑ لیا، تیندوے کی سی سی ٹی وی فوٹیج سوشل میڈیا پر وائرل ہوگئی۔
بھارتی میڈیا کے مطابق مذکورہ رہائشی کمپلیکس ایک جنگل کے قریب واقع ہے، جنگلی حیات کے ماہرین نے مقامی افراد کو مشورہ دیا کہ وہ چوکنا رہیں اور خصوصاً رات کے وقت اندھیرے والے علاقوں میں جانے سے گریز کریں کیونکہ ایسے درندے گھات لگا کر اچانک حملہ کرتے ہیں۔
Facebook Comments