بھارت نے بلوچ نوجوانوں کو پاکستان مخالف پروپیگنڈے کیلئے آن لائن نوکریاں دینے کا سلسلہ شروع کردیا ، کمپنی بلوچ نوجوانوں کو ترجمہ کرنے کے عوض ڈالرز میں ادائیگی کرے گی۔
تفصیلات کے مطابق بھارت پاکستان دشمنی میں تمام حدیں عبورکرگیا، بھارت کا بلوچ نوجوانوں کو اپنے مذموم مقاصد کیلئے استعمال کرنے کا منصوبہ بے نقاب ہوگیا۔
بھارت نے بلوچ نوجوانوں کو پاکستان مخالف پروپیگنڈے کیلئے آن لائن نوکریاں دینے کا سلسلہ شروع کردیا ، بھارتی کمپنی نے اپنی ویب سائٹ پربلوچ نوجوانوں کونوکری دینے کے حوالے سے اشتہار بھی جاری کردیا۔
کمپنی نے اپنے ایکس اکاؤنٹ پر بھی نوکری کے حوالے سے تفصیلات جاری کی ہوئی ہیں ، انگریزی سے بلوچی زبان میں مواد کا ترجمہ کرنی کی تفصیلات درج کی گئی ہے، اس کا مقصد ایسے مواد کی بلوچی زبان میں تشہیر ہے، جس سے بلوچ قوم کے ذہن کوپاکستان مخالف بنایاجاسکے۔
کمپنی بلوچ نوجوانوں کو ترجمہ کرنے کے عوض ڈالرز میں ادائیگی کرے گی، بھارت سازش کے تحت پاکستانی سرزمین کو اپنے مکروہ عزائم کیلئے استعمال کرنا چاہتا ہے۔
بھارتی پروپیگنڈا ساز ذہن معصوم بلوچ نوجوانوں کو پاکستان کیخلاف اکسا کرعزائم کوتکمیل تک پہنچاناچاہتا ہے، بھارت کی دہشت گردانہ کارروائیوں اوربلوچ نوجوانوں کو استعمال کرنےکی کوشش کھل کرسامنے آگئی ہے۔
Facebook Comments