fbpx
خبریں

اولمپک کوالیفائر میں ناکام قومی ہاکی ٹیم کا عالمی رینکنگ میں کونسا نمبر ہے؟

اولمپکس کے لیے کوالیفائی نہ کر پانے والی قومی ہاکی ٹیم کی عالمی رینکنگ میں حیرت انگیز طور پر بہتری آگئی۔

نئی جاری ہونے والی عالمی رینکنگ میں پاکستان ہاکی ٹیم نے ایک درجہ اوپر چڑھتے ہوئے 15 ویں پوزیشن پر قبضہ جمالیا ہے۔ اولمپک کوالیفائنگ راؤنڈ میں قومی ٹیم کے چوتھی پوزیشن حاصل کرنے کے بعد اس کی پوزیشن میں بہتری آئی ہے۔

ہالینڈ کی ہاکی ٹیم ورلڈ رینکنگ میں پہلے نمبر پر براجمان ہے، بیلجیئم کا دوسرا جبکہ بھارتی ٹیم کا تیسرا نمبر ہے۔ پاکستان روایتی حریف سے کہیں دور 15 نمبر پر موجود ہے۔

خیال رہے کہ پاکستان ٹیم کو ہاکی اولمپک کوالیفائر میں تیسری پوزیشن کے میچ میں نیوزی لینڈ کے ہاتھوں 2-3 سے شکست کا سامنا کرنا پڑا تھا۔

اولمپک مقابلوں میں شرکت کے لیے گرین شرٹس کو یہ مقابلہ جیتنا ضروری تھا، تاہم شکست کے بعد پاکستان ہاکی تیم لگاتار تیسری مرتبہ اولمپکس کا پروانہ حاصل کرنے میں ناکام رہی تھی۔

Comments




Source link

Facebook Comments

رائے دیں

Back to top button