fbpx
خبریں

انڈپینڈنٹ عربیہ کے ایڈیٹر ان چیف سعودی صحافیوں کی تنظیم کے چیئرمین منتخب

سعودی جرنلسٹس ایسوسی ایشن  کے بورڈ آف ڈائریکٹرز کے انتخابات میں انڈپینڈنٹ عربیہ کے ایڈیٹر ان چیف عضوان الاحمری کو متفقہ طور پر چیئرمین منتخت کیا گیا۔

صحافیوں کی تنظیم کے بورڈ آف ڈائریکٹرز کے انتخابات اتوار کو سعودی دارالحکومت ریاض میں ہوئے۔

اسی اجلاس میں بورڈ  کے دیگر عہدیداروں کا بھی انتخاب کیا گیا جس میں عرب نیوز کے ایڈیٹر ان چیف فیصل جے عباس کو نائب چیئرمین جبکہ صحافی بشری الربيعة فنانس سیکریٹری منتخب کیا گیا۔

نو منتخب صدر عضوان الاحمری اپنے انتخاب پر ساتھی صحافیوں کے شکریہ ادا کرتے ہوئے اس امید کا اظہار کیا کہ وہ بورڈ سے وابستہ امیدوں پر پورا اتریں گے۔

انہوں نے اس موقع پر گذشتہ بورڈ آف ڈائریکٹرز کے ممبران کی طرف سے کی گئی ’عظیم کوششوں کی بھی تعریف کی جنہوں نے بورڈ کے اہداف کو پورا کرنے میں زبردست کاوش کی۔‘

الاحمری نے اس توقع کا بھی اظہار کیا کہ نو منتخب عہدیدان اور ممبر ایسوسی ایشن باہمی اتحاد اور مشترکہ کوششوں کے ذریعے ایسی کامیابیاں حاصل کریں گے جو ملک اور میڈیا کے شعبوں کی ترقی کے ہم آہنگ ہوں گی۔

اس سیکشن میں متعلقہ حوالہ پوائنٹس شامل ہیں (Related Nodes field)

انہوں نے کہا کہ ایسوسی ایشن کے نئے عہدیدار آئندہ اجلاس میں اپنے خیالات کا اظہار کریں گے جن کے تحت اہم اہداف کے حصول کے لیے ایسی حکمت عملی تیار کی جا سکے جس کے لیے سعودی میڈیا اور اس پیشے سے وابستہ صحافی منتظر ہیں۔

سعودی صحافیوں کی ایسوسی ایشن کے سابق صدر خالد المالک نے انڈیپینڈنٹ عربیہ کو بتایا کہ تمام منتخب صحافی ’اعلیٰ درجے کی قابلیت‘ اور جذبہ رکھتے ہیں۔ انہوں نے کہا کہ یہ ایک انجن ہے جو سعودی پریس کو ایک روشن مستقبل کی جانب لے کر جائے گا۔

بورڈ آف ڈائریکٹرز کے منتخب ہونے والے 13 عہدیداروں میں سے 6 خواتین ہیں تمام کامیاب امیدوار حال ہی سعودی صحافیوں کے بنائے گئے ’مستقبل‘ نامی اتحاد کے رکن ہیں۔

اتحاد میں ایڈیٹرز ان چیف، ڈپٹی ایڈیٹرز اور سعودی عرب کے معروف اخبارات اور میڈیا کے سینئر صحافی شامل ہیں۔

بورڈ کے تمام 13 ممبران چار سال کی مدت کے لیے منتخب ہوئے۔

مستند خبروں اور حالات حاضرہ کے تجزیوں کے لیے انڈپینڈنٹ اردو کے وٹس ایپ چینل میں شامل ہونے کے لیے یہاں کلک کریں۔




Source link

Facebook Comments

رائے دیں

Back to top button