امریکا کا طیارہ رہائشی عمارت پر گر کر تباہ، ہلاکتوں کا خدشہ

امریکی ریاست فلوریڈا میں چھوٹا طیارہ رہائشی علاقے میں گرکر تباہ ہوگیا، جس کی ویڈیو بھی منظر عام پر آگئی ہے۔

بین الاقوامی خبر رساں ادارے کی رپورٹ کے مطابق امریکی ریاست فلوریڈا میں ایک چھوٹا طیارہ جمعرات کی شام رہائشی علاقے موبائل ہوم پارک میں گر کر تباہ ہوگیا، طیارے میں لگی آگ نے متعدد موبائل گھروں کو بھی اپنی لپیٹ میں لے لیا۔

رپورٹس کے مطابق طیارہ حادثے کے نتیجے میں فوری طور پر ہلاکتوں کی تعداد معلوم نہیں ہوسکی، تاہم حادثے میں متعدد ہلاکتوں کا خدشہ ظاہر کیا جارہا ہے۔

We’re on scene of a small plane crash at a mobile home park south of Clearwater Mall. Multiple mobile homes have caught fire. Firefighters from multiple jurisdictions are on scene. pic.twitter.com/1vBLnTnY8R

— Clearwater Fire & Rescue Department (@clearwaterfire) February 2, 2024

سوشل میڈیا پر طیارہ حادثے کے بعد ویڈیوز بھی سامنے آئیں جن میں طیارے کو مکمل طور پر تباہ دیکھا گیا ہے۔

فائر حکام کا اس حوالے سے کہنا ہے کہ طیارے کو حادثہ شام 7 بجے کے قریب پیش آیا جس کی اطلاع ملتے ہی ریسکیو اہلکار موقع پر پہنچ گئے، طیارہ ایک گھر کے اوپر گرا،جس کے باعث آگ نے دیگر گھروں کو بھی اپنی لپیٹ میں لے لیا۔

حکام کے مطابق ریڈار سے غائب ہونے کے بعد طیارے کے پائلٹ نے قریب موجود ائیرپورٹ پر مے ڈے کال دی، اس وقت طیارہ رن وے سے 3 میل دوری پر تھا۔

Comments