fbpx
خبریں

اقوام متحدہ سربراہ کا پاکستان کو انتخابات کے بعد درپیش مسائل کے قانونی حل پر زور

نیویارک : اقوام متحدہ سربراہ انتونیوگوتریس نے پاکستان کو انتخابات کے بعد درپیش مسائل کے قانونی حل پر زور دیتے ہوئے کہا پاکستان کی صورتحال پر گہری نظر رکھے ہوئے ہیں۔

تفصیلات کے مطابق اقوام متحدہ سربراہ نے پاکستان کو انتخابات کے بعد درپیش مسائل کےقانونی حل پر زوردیا ہے۔

تفصیلات کے مطابق اقوام متحدہ کے سیکریٹری جنرل انتونیوگوتریس نے پاکستانی حکام سے صورتحال پر تبادلہ خیال کیا اور انتخابات کے بعد مسائل طے شدہ قانونی طریقہ کار کےذریعےحل کرنےپرزوردیا۔

انتونیوگوتریس نے پاکستانی حکام اور سیاسی رہنماؤں سے انتخابات کے بعد ہونے والے مسائل کے حل کا مطالبہ کرتے ہوئے کہا کسی بھی ایسی کارروائی سے گریز کیا جائے جو کشیدگی کا باعث ہو۔

یو این سربراہ نے پاکستان میں امن و امان کی صورتحال کو قائم رکھنے پر زور دیتے ہوئے کہا پاکستان کی صورتحال پر گہری نظر رکھے ہوئے ہیں، مسائل اور تنازعات کے قانونی طریقے کار سے حل پر زور دیتے ہیں۔

ترجمان یواین سیکریٹری جنرل سٹیفن ڈوجارک نے پاکستانی حکام اور سیاسی رہنماؤں سے اپیل کی پُرسکون ماحول کو برقرار رکھیں، انسانی حقوق اور قانون کی حکمرانی کے لیے پاکستانی عوام کے مفاد کامکمل احترام کیاجائے۔

سٹیفن ڈوجارک کا کہنا تھا کہ ہر قسم کے تشدد کو مسترد کریں، اس سے اجتناب کریں، اور کسی بھی ایسے اقدام سے گریز کریں جو کشیدگی کو بڑھا سکیں۔

Comments




Source link

Facebook Comments

رائے دیں

Back to top button