fbpx
خبریں

اقرارالحسن نے ایک بار پھر پیر حق خطیب کا اصلی چہرہ دکھا دیا

لاہور : شعبدہ بازی کے ذریعے سادہ لوح عوام کو گمراہ کرنے اور انہیں لوٹنے والے حق خطیب نامی جعلی پیر کو اے آر وائی نیوز نے پھر بے نقاب کردیا۔

تفصیلات کے مطابق اے آر وائی نیوز کے پروگرام سرعام کے میزبان اور تحقیقاتی صحافی اقرار الحسن نے ایک بار پھر جعلی پیر حق خطیب کو بے نقاب کرتے ہوئے اس کی نام نہاد کرامت کی حقیقت بیان کردی۔

اینکر اقرار الحسن نے آج نئے پروگرام میں شُف شُف والی سرکار کی طرح مریض کے منہ سے ڈھائی فٹ لمبی چین نکال کر اُس کی اصلیت بیان کی کہ کس طرح وہ لوگوں کو بے وقوف بنا رہا ہے۔

لاہور کے لبرٹی چوک پر سیکڑوں لوگوں کی موجودگی میں حق خطیب کا کرتب دہرایا گیا، اور بتایا گیا کہ یہ کوئی کرامت نہیں محض شعبدہ بازی ہے۔

اس موقع پر اقرار الحسن نے وہاں موجود کچھ لوگوں سے بات چیت کی جنہوں نے بتایا کہ ہمیں حق خطیب سے کسی قسم کا کوئی فائدہ نہیں ہوا، لوگوں نے بتایا کہ ان کے اپنے لوگ موجود ہوتے ہیں جس سے اداکاری کروا کر وہ کرامات دکھاتے ہیں۔

ویڈیو میں دیکھا جاسکتا ہے کہ کس طرح ایک اسٹنٹ مین اپنے منہ سے چین نکال رہا ہے اور اقرار الحسن نے حق خطیب کے انداز میں اس کے ماتھے پر ہاتھ رکھ کر مریض کو کھڑا کردیا۔

Comments




Source link

Facebook Comments

رائے دیں

Back to top button