آدھے گھنٹے میں نتائج نہ بھیجے تو آر اوز کو معطل کردوں گا، چیف الیکشن کمشنر

اسلام آباد : چیف الیکشن کمشنر سکندر سلطان راجہ نے آر اوز کو سختی سے 30 منٹ کے اندر نتائج مرتب کرنے کی ہدایت کردی۔

اے آر وائی نیوز سے خصوصی گفتگو کرتے ہوئے چیف الیکشن کمشنر نے کہا کہ تمام آراوز کو کہہ دیا ہے کہ 30منٹ میں ہرحلقے کا مکمل نتیجہ چاہیے۔

انہوں نے کہا کہ ڈی آراوز کو ذاتی طور پر فون کرکے ہدایات جاری کررہا ہوں، یہ کیسے ہوسکتا ہے کہ پریذائیڈنگ افسر اب تک آر اوز دفاتر نہیں پہنچے۔

چیف الیکشن کمشنر سکندر سلطان راجہ کا مزید کہنا تھا کہ آر اوز نے30منٹ میں مکمل نتائج نہ بھیجے تو انہیں معطل کردوں گا۔

Comments