fbpx
خبریں

پاکستانی آئی ٹی انڈسٹری اور بینکنگ سیکٹر میں بھارتی مصنوعات کے استعمال کا انکشاف

اسلام آباد: پاکستانی آئی ٹی انڈسٹری، فن ٹیک اور بینکنگ سیکٹر میں بھارتی مصنوعات کے استعمال کا انکشاف ہوا ہے، ذرائع کا کہنا ہے کہ اس سے آئی ٹی سیکٹر میں براہ راست بھارتی مداخلت کا خدشہ پیدا ہو گیا ہے۔

تفصیلات کے مطابق وفاقی حکومت نے تمام وفاقی وزارتوں، ڈویژنز اور صوبوں کو ایک مراسلہ بھیجا ہے، جس میں یہ انکشاف کیا گیا ہے کہ پاکستانی آئی ٹی انڈسٹری، فن ٹیک اور بینکنگ سیکٹر میں بھارتی مصنوعات کا استعمال ہو رہا ہے۔

ذرائع کے مطابق آئی ٹی سیکٹر کی کچھ کمپنیاں اور بینک بھارتی نژاد کمپنیوں سے آئی ٹی مصنوعات خرید رہے ہیں، ان مصنوعات میں میلویئر وائرس کی موجودگی کا امکان ہے، اور بھارتی کمپنیوں کی مصنوعات سے پاکستانی بینکنگ سیکٹر کی اہم معلومات کو خطرہ ہے۔

ذرائع کا کہنا ہے کہ میلویئر وائرس کی موجودگی سے ڈیٹا اور پرسنل آئیڈنٹیفکیشن انفارمیشن کے غلط استعمال کا خدشہ ہے، اندیشہ ہے کہ بھارتی مصنوعات کے ذریعے آئی ٹی سیکٹر میں براہ راست بھارتی مداخلت ممکن ہو جائے گی۔

مراسلے میں بھارتی منصوعات کا استعمال ترک کرنے کی سفارش کی گئی ہے، اور صارفین کو بھارتی نژاد آرٹیفیشل انٹیلیجنس مصنوعات کے استعمال سے گریز کا مشورہ دیا گیا ہے۔

مراسلے میں متبادل مصنوعات کے لیے پاکستان سافٹ ویئر ہاؤس سے مشورہ کرنے کی تجویز بھی دی گئی ہے۔

Comments




Source link

Facebook Comments

Related Articles

رائے دیں

Back to top button