پاکستان کا قرآن پاک کی بے حرمتی کوغیر قانونی قرار دینے کے لیے ڈنمارک حکومت کی تجویز کا خیر مقدم
اسلام آباد : پاکستان نے قرآن پاک کی بے حرمتی کوغیر قانونی قرار دینے کے لیے ڈنمارک حکومت کی تجویز کا خیر مقدم کیا۔
تفصیلات کے مطابق پاکستانی دفتر خارجہ کی جانب سے ڈمارک حکومت کی جانب سے قرآن پاک کی بے حرمتی کو غیر قانونی قرار دینے کے بل تجویز کرنے کے فیصلے کا خیرمقدم کیا۔
ترجمان دفترخارجہ نے کہا کہ بل قرآن پاک اوردیگرآسمانی کتابوں کی بے حرمتی کو غیر قانونی قرار دے گا، یہ بل قرآن پاک اوردیگرآسمانی کتابوں کی بے حرمتی کو روکنے کی جانب درست سمت میں ایک قدم ہے۔
ترجمان کا کہنا تھا کہ مقدس کتابوں کی بےحرمتی اورجلانامذہبی منافرت کاایک سنگین عمل ہے، آزادی اظہاررائےاوراحتجاج کی آڑمیں مقدس کتابوں کی بےحرمتی کی اجازت نہیں ہونی چاہیے۔
اس سے قبل نگران وزیر خارجہ جلیل عباس جیلانی اور ڈنمارک کے وزیر خارجہ کے درمیان رابطہ ہوا تھا ، جلیل عباس جیلانی نے کہا تھا کہ پاکستان ڈنمارک کی حکومت کی تجویز کردہ قانون سازی کو سراہتا ہے۔
نگران وزیرخارجہ کا کہنا تھا کہ مذہبی متن اہمیت کی چیزوں کےساتھ نامناسب سلوک کوجرم قرار دیا گیا ہے، ڈینش وزیر خارجہ کے ساتھ اس معاملہ پرخوش آئند تبادلہ ہوا۔
You must log in to post a comment.