سمندر میں جاکر آبی حیات کی ویڈیو ریکارڈ کرنا ایک انتہائی مشکل اور خطروں سے گھرا ہوا عمل ہے، جس کے باعث بعض اوقات بہت سے لوگ اپنی جانیں گنوا چکے ہیں یا زخمی ہو چکے ہیں۔
غیر ملکی ذرائع ابلاغ کے مطابق اسی طرح کا ایک واقعہ حال ہی میں سامنے آیا جب ایک خاتون ویڈیو ریکارڈنگ کے دوران ایک آکٹوپس کے انتہائی قریب پہنچ گئیں اور اپنی جان کو خطرے میں ڈالتے ہوئے ویڈیو ریکارڈ کرلی۔
ایک بلاگر کی جانب سے مذکورہ ویڈیو کو انسٹا گرام پر جاری کیا گیا، جس کی شناخت اس کے بائیو کے مطابق ایک سرٹیفائیڈ فری ڈائیور کے طور پر بھی کی گئی تھی۔سامنے آنے والی ویڈیو میں خاتون کو دیکھا جاسکتا ہے کہ خاتون اپنی جان کی پرواہ کئے بغیر آکٹوپس کے قریب تیراکی کرنے میں مصروف ہیں۔
انسٹا گرام پر شیئر کی گئی ویڈیو کے کیپشن میں تحریر کیا گیا کہ ”کیا آپ جانتے ہیں کہ آکٹوپس کے3 دل، نودماغ اور اسکا نیلا خون ہوتا ہے؟“
مذکورہ ویڈیو کو تقریباً 3,00,000 ویوز اور 15,000 سے زیادہ لائیکس مل چکے ہیں۔ جبکہ پوسٹ پر سوشل میڈیا صارفین کی جانب سے دلچسپ تبصروں کا سلسلہ جاری ہے۔
Facebook Comments