آسٹریلوی ٹیم کے اوپنر بیٹر ڈیوڈ وارنر نے ورلڈ کپ جیتنے کے بعد بھارتی مداح سے معافی مانگ لی۔
گزشتہ روز احمد آباد کے نریندر مودی اسٹیڈیم میں آسٹریلیا نے بھارت کو یکطرفہ مقابلے کے بعد 6 وکٹوں سے شکست دے کر چھٹی بار عالمی کپ کا ٹائٹل اپنے نام کیا۔
بھارت کی ٹیم پہلے بیٹنگ کرتے ہوئے 240 رنز پر آل آؤٹ ہوئی جواب میں آسٹریلوی ٹیم نے مطلوبہ ہدف 4 وکٹوں کے نقصان پر باآسانی حاصل کرلیا۔
بھارت کی شکست کے بعد بھارتی شائقین کرکٹ بھی اداس نظر آئے اور سوشل میڈیا پر اپنے دکھ کا اظہار کررہے ہیں، ایسا ہی ایک پیغام ایک صارف کی جانب سے آسٹریلوی کھلاڑی ڈیوڈ وارنر کیلئے شیئر کیا گیا۔
اپنے پیغام میں سوشل میڈیا صارف نے ڈیوڈ وارنر کو مخاطب کرتے ہوئے کہا کہ ’آپ نے اربوں لوگوں کا دل توڑ دیا ہے۔‘ جس کے جواب میں ڈیوڈ وارنر نے صارف سے معافی مانگ لی۔
اپنے جوابی پیغام میں آسٹریلوی کھلاڑی نے کہا کہ میں معافی چاہتا ہوں، یہ ایک زبردست گیم تھا، جہاں کا ماحول بھی ناقابل یقین تھا۔
I apologise, it was such a great game and the atmosphere was incredible. India really put on a serious event. Thank you all
— David Warner (@davidwarner31) November 20, 2023
ڈیوڈ وارنر نے ایونٹ کے انعقاد پر سب کا شکریہ بھی ادا کیا۔
Facebook Comments