نانا پاٹیکر کی غلط بیانی سامنے آگئی، تھپڑ کھانے والے مداح نے سچ بتا دیا

بالی وڈ کے سینئر اداکار نانا پاٹیکر نے اپنی فلم کی شوٹنگ کے دوران ایک مداح کو سیلفی لینے پر تھپڑ جڑ دیا تھا، اب اس لڑکے کا بیان سامنے آگیا ہے۔

فلم ’جرنی‘ کی شوٹنگ سیٹ سے ایک ویڈیو وائرل ہوئی تھی جس میں سینئر اداکار نے مداح کے ساتھ مار پیٹ کا رویہ اپنایا تھا جس پر نانا پاٹیکر کو خاصی تنقید کا نشانہ بنایا گیا تھا۔ بعد میں انھوں نے ویڈیو میں مداح سے معافی مانگی تھی اور اسے غلط فہمی کی بنا پر ہونے والا واقعہ قرار دیا تھا۔

سرعام تھپڑ کھانے والے نوجوان کا ویڈیو بیان بھی سامنے آگیا جس میں مداح نے نانا پاٹیکر کی غلط بیانی کا پردہ فاش کیا ہے۔ اس کا کہنا ہے کہ میں گھر سے نکلا تھا تو دیکھا کہ قریب میں فلم کی شوٹنگ چل رہی ہے اور نانا پاٹیکر آئے ہوئے ہیں،

مداح نے کہا کہ میں ان کا فین ہوں اس لیے فوٹو لینے گیا تھا لیکن نانا پاٹیکر نے سیلفی لینے پر مجھے تھپڑ مار کر وہاں سے بھگا دیا۔

The boy, who was slapped by Nana Patekar when the former tried taking a selfie with the actor in Varanasi, says he is big fan but was insulted by the actor. pic.twitter.com/suZPfsoS0i

— Piyush Rai (@Benarasiyaa) November 16, 2023

نوجوان نے بالی وڈ اداکار کے بیان کی تردید کرتے ہوئے کہا کہ نانا پاٹیکر کا مجھے تھپڑ مارنا اُن کی فلم کا حصہ نہیں تھا، نہ ہی فلم میں مجھے کوئی کردار ملا تھا اور جب مجھے تھپڑ کے بعد سیٹ سے دور لے جایا گیا تو نانا پاٹیکر نے مجھے واپس بھی نہیں بُلایا تھا۔

نانا پاٹیکر سے تھپڑ کھانے والے شخص نے افسوس کا اظہار کرتے ہوئے کہا کہ میری بہت بے عزتی ہوئی، میری ویڈیو بھی وائرل ہوئی جس کا مجھے بہت دکھ ہے۔

#WATCH | On a viral showing him slapping a boy for taking a selfie with him, actor Nana Patekar says, “A video is going viral where I have hit a boy. Though this sequence is a part of our film, we had one rehearsal…We were scheduled to have a second rehearsal. The director told… pic.twitter.com/CVgCainRg1

— ANI (@ANI) November 16, 2023

Comments