دنیا کے امیرترین شخص اور ایکس کے مالک ایلون مسک نے فلسطینیوں کے حق میں پوسٹ کرنے والوں کا اکاؤنٹ معطل کرنے کی دھمکی دے دی۔
اسرائیلی بربریت اور فلسطینی نسل کشی پر شدید الفاظ میں مذمت کرنے والے ایلون مسک نے ایکس پر فلسطینیوں کے حق میں دو جملے لکھنے پر پابندی عائد کردی ہے۔
Elon Musk says whenever Israel kills somebody’s child in Gaza, they’re de facto making new Hamas members. pic.twitter.com/7i4LMNeILp
— Quds News Network (@QudsNen) November 11, 2023
گزشتہ دنوں ہی بزنس ٹائیکون ایلون مسک نے سیٹلائٹ کے ذریعے انٹرنیٹ فراہم کرنے والی اپنی کمپنی اسٹارلنک کے ذریعے غزہ میں انٹرنیٹ فراہم کرنےکا اعلان کیا تھا اس کے بعد ایکس پر ہی انہوں نے اسرائیلی بربریت اور فلسطینی نسل کشی پر شدید الفاظ میں مذمت کرتے ہوئے کہا تھا کہ نسل کشی کرنا کسی کے لیے بھی قابلِ قبول عمل نہیں ہے۔۔
Starlink will support connectivity to internationally recognized aid organizations in Gaza.
[ComStar]— Elon Musk (@elonmusk) October 28, 2023
تاہم اب ایلون مسک نے ایکس (ٹوئٹر) پر جاری کردہ بیان میں کہا کہ جو کوئی بھی ایکس پر فلسطینوں کا مقبول نعرہ ’’ دریا سے سمندر تک‘‘ یا ’’ نوآبادیات کا خاتمہ‘‘ لکھے گا اس کا اکاؤنٹ معطل کردیا جائے گا۔
As I said earlier this week, “decolonization”, “from the river to the sea” and similar euphemisms necessarily imply genocide.
Clear calls for extreme violence are against our terms of service and will result in suspension.
— Elon Musk (@elonmusk) November 17, 2023
ایلون مسک نے دعویٰ کیا کہ ان دونوں جملوں کا اشارہ یہودیوں کی نسل کشی کی جانب ہے اس لیے کسی کو انہیں استعمال کرنے کی اجازت نہیں دی جا سکتی۔ اس طرح کے جملوں کے استعمال کے نتیجے میں ایکس اکاؤنٹ کو معطل کردیا جائے گا۔
یاد رہے کہ ’من النہر فی البحر‘ کا نعرہ فلسطینی اپنی آزادی کے لیے بلند کرتے ہیں جس کا مطلب دریائے اردن کے کنارے سے لے کر بحیرہ روم تک ہے۔ تاہم ان دو مقامات کے بیچ میں اسرائیلی علاقے ہیں اور اسرائیل کے حامیوں کا کہنا ہے کہ اس نعرے کا مطلب اسرائیل کا خاتمہ ہے۔
ایلون مسک کے فیصلے پر ہیومن رائٹس واچ کے ڈائریکٹر عمر شاکر شدید تنقید کی ہے، انہوں نے سوشل میڈیا پر لکھا کہ پرامن اور جائز تقریر پر صارفین کو خاموش کرنے کی دھمکی دینا ایلون مسک کی نچلی سطح ہے۔
Facebook Comments