ریاض : افرادی قوت کی فراہمی کے حوالے سے پاکستان اور سعودی عرب کے باہمی تعاون میں اہم پیشرفت سامنے آئی ہے جس کے تحت دونوں ممالک کے درمیان معاہدہ طے پاگیا ہے۔
تفصیلات کے مطابق پاکستان اوورسیز ایمپلائمنٹ کارپوریشن (پی او ای سی) اور سعودی عرب کی معروف کنٹریکٹ کمپنی نیسما اینڈ پارٹنرز نے سعودی عرب کو افرادی قوت کی فراہمی کے معاہدے پر دستخط کردیے ہیں۔
یہ پیش رفت وزیر اعظم پاکستان کے معاون خصوصی جواد سہراب ملک اور نیسما اینڈ پارٹنرز کے سی ای او ثمر عصام عبدالصمد کے درمیان ملاقات کے بعد ہوئی۔
Riyadh: MOU signed between Overseas Employment Corporation @OEC_Pakistan & @NesmaPartners. A significant export potential for thousands of our manpower worker export to the KSA. CEO NESMA, Samer Essam Abdul Samad affirmed his intention to effect closer collaboration & engagement.… pic.twitter.com/nbwqlf79MC
— Jawad Sohrab (@JawadSohrab) November 16, 2023
پی او ای سی اور نیسما اینڈ پارٹنرز کے درمیان ’تاریخی‘ معاہدہ سعودی عرب کو ہنر مند پاکستانی لیبر برآمد کرنے کی اجازت دے گا، خاص طور پر نیسما کے جاری اور آئندہ منصوبوں کے لیے جو تعمیرات میں مہارت رکھتا ہے۔
واضح رہے کہ سعودی عرب میں پاکستانی تارکین وطن کی سب سے بڑی تعداد 20 لاکھ سے زائد ہے اور یہ جنوبی ایشیائی ملک میں ترسیلات زر کی آمد میں سب سے بڑا حصہ دار ہے۔
Facebook Comments