کسی بھی انسان کیلئے اچھی اور کامیاب زندگی گزارنے کیلیے ضروری ہے کہ اس کے سامنے کوئی بڑا مقصد ہو، جس کو پورا کرنے کیلئے وہ صدق دل اور نیک نیتی سے محنت کرے۔
کسی بھی بہتری کے لیے کوئی تبدیلی کرنا آسان نہیں ہوتا مگر اس کے لیے کی جانے والی کوشش ضرور اہم اور قابل قدر ہوتی ہیں۔ یہ سننے میں چاہے مشکل لگتا ہو مگر اس دور میں کچھ چیزیں، عادتیں یا تبدیلیاں ایسی ہوتی ہیں جن کو اپنا کر آپ آگے کی زندگی کی بنیاد بناسکتے ہیں۔
زندگی کو بامقصد طریقے سے گزارنے کے لیے ضروری ہے کہ پہلے مقصد حیات تلاش کیا جائے اور یہ جاننے کی کوشش کی جائے کہ آپ کی ذات کو کیا چیز مکمل کرتی ہے۔
جب آپ اپنے جینے کا کوئی جواز تلاش کر لیتے ہیں تو یہ آپ کو زندگی میں زیادہ با اعتماد بناتا ہے اور اطمینان اور سکون کا احساس پیدا کرتا ہے۔
اس طرح کے احساسات رکھنا کہ آپ جو کام بھی کر رہے ہیں وہ قابل قدر ہے، یقیناً، خوشگوار زندگی کی ایک اہم کلید ہے تاہم ہر شخص کے لیے زندگی کا مقصد مختلف ہوتا ہے۔
زندگی میں کوئی مقصد تلاش کرنا کیوں ضروری ہے؟
اپلائیڈ سائیکالوجی 2 میں شائع ہونے والی ایک تحقیق کے مطابق زندگی کو کسی مقصد کے تحت گزرنا آپ کو صحت مند رکھتا ہے ایسے افراد طویل عمر پاتے ہیں کیوںکہ ان کے سامنے ایک گول ہوتا ہے جسے وہ حاصل کرنا چاہتے ہیں اور اسی کی مناسبت سے کام کرتے ہیں جسے قدر کی نگاہ سے دیکھاجاتا ہے۔
جبکہ ایسے افراد جن کی زندگی کا کوئی مقصد نہیں ہوتا وہ اپنی زندگی کے اوپر اتنی توجہ نہیں دیتے ان کے کام بھی سطحی ہوتے ہیں ایسے افراد کم عمر پاتے ہیں۔ یہاں زندگی کو بامقصد بنانے کے لیے چند ایسی تجاویز پیش کی جارہی ہیں جنہیں اپنا کر آپ بھی زندگی کو بامقصد بنا سکتے ہیں۔
وقت، پیسہ، یا ہنر دوسروں میں بانٹیں
اگر اپنی زندگی کے مقصد کو تلاش کر رہے ہیں تو کوشش کریں کہ آپ کے پاس جو کچھ ہے اسے دوسروں میں بانٹیں چاہے وہ وقت ہے، پیسا ہے یا ہنر ہے، دوسروں کی مدد کرنے کی یہ عادات آپ کی زندگی کو ایک بلند مقصد دے گی اس طرح کسی نہ کسی کی زندگی میں بدلاؤ ضرور آئے گا۔
اس میں کسی غیر منافع تنظیم کے لیے رضاکارانہ خدمات انجام دینا، رقم کا عطیہ کرنا، یا روزانہ کی بنیاد پر اپنے آس پاس کے لوگوں کی مدد کرنا شامل ہو سکتا ہے۔
چاہے آپ مہینے میں دو ہفتہ تک کسی کو کھانا بنا کر پیش کرتے ہی یا آپ رضاکارانہ طور پر اپنے بزرگ پڑوسی کو ہفتے میں ایک بار گروسری اسٹور پر لے جاتے ہیں، دوسروں کے لیے اس طرح کے کام کرنا آپ میں یہ احساس جگاتا ہے کہ آپ کی زندگی معنی رکھتی ہے۔
فیڈ بیک کو سنیں
آپ بہت سارے کام کر رہے ہوتے ہیں جو آپ کی ذات کے لیے بہت اہمیت رکھتے تاہم کسی اور کے لیے وہ اتنے اہم نہیں ہوتے۔ اگر آپ یہ جاننا چاہتے ہیں لوگ آپ کی غیر موجودگی میں آپ کا ذکر کیسے کرتے ہیں تو اپنے آس پاس کے لوگوں سے پوچھ لیں، اس طرح آپ کو اپنے بارے میں اچھے اور برے دونوں کے طرح خیالات سننے کو ملٰں گے جس سے آپ اپنی شخصت کو مزید بہتر بنا سکیں گے۔
مثبت سوچ رکھنے والے لوگوں کے درمیان رہیں
کہتے ہیں کہ لوگ اپنی صحبت سے پہچانے جاتے ہیں اگر آپ کے آس پاس مثبت سوچ رکھنے والے افراد ہیں تو آپ بھی مثبت سوچیں گے یا اگر آپ کی سوچ مثبت ہیں تو اپنی ہی جیسے لوگوں سے دوستی رکھیں گے اس طرح کے لوگ آپ کے ہر اچھے کام پر آپ کی حوصلہ افزائی کریں گے جس سے آپ میں اچھی کام کرنے کا جذبہ اور زیادہ بڑھے گا۔
دوسری طرف، اگر آپ کے آس پاس کے لوگ منفی ہوں گے تو یہ آپ کو ہر کام میں نیچا دکھانے کی کوشش کریں گے۔
نئے لوگوں کے ساتھ بات چیت شروع کریں
جب بھی آپ اکیلے باہر جائیں یا کسی دوست کا انتظار کرہیں ہوں تو سوشل میڈیا کو براؤز کرنے کے بجائے اپنے اردگرد لوگوں سے بات کریں۔
ان سے پوچھیں کہ کیا وہ کسی پروجیکٹ پر کام کر رہے ہیں یا وہ تفریح کے لیے کیا پسند کرتے ہیں۔ ان سے ان تنظیموں کے بارے میں بات کریں جن کے ساتھ وہ منسلک ہیں یا اگر وہ کسی خاص مقصد کے لیے چندہ دینا پسند کرتے ہیں۔
اگرچہ اجنبیوں کے ساتھ بات چیت شروع کرنے میں عجیب سا محسوس ہوسکتا ہے، تاہم آپ اپنی ہچکچاہٹ کو دور کر کے جب ان سے بات کریں گے تو دنیا بھر کی بہت ساری معلومات سے آپ آگاہ ہوں گے۔
اپنی دلچسپیوں کو جاننے کی کوشش کریں
کیا کوئی ایسا موضوع ہے جس کے بارے میں آپ فیس بک اسٹیٹس اپ ڈیٹ یا ٹویٹ میں باقاعدگی سے بات کر رہے ہیں؟ کیا آپ موسمیاتی تبدیلی یا پناہ گزینوں کے بارے میں مضامین کا اشتراک کر رہے ہیں؟
کیا انسٹاگرام پر آپ کی ایسی تصاویر بار بار شیئر کر رہے ہیں جن میں آپ کسی خاص سرگرمی میں مشغول ہیں، جیسے باغبانی یا فلاہی کام کرنا۔
جن چیزوں کے بارے میں آپ بات کرنا پسند کرتے ہیں اور جن چیزوں کو آپ سوشل میڈیا پر شیئر کرنا پسند کرتے ہیں وہ ظاہر کرتی ہیں یہی آپ کی پسند ہیں اور آپ کو زندگی میں مقصد فراہم کرتی ہیں۔
Facebook Comments