غزہ میں اسرائیلی فوج کی وحشیانہ بمباری سے ہزاروں نہتے اور بے گناہ فلسطینی اپنی جان کی بازی ہار چکے ہیں، اسپتالوں کے مردہ خانے لاشوں سے بھر چکے ہیں۔
اپنے پیاروں کو تلاش کرتے ہوئے مردہ خانوں میں آنے والے لوگوں کی چیخوں اور آہ و بکا نے دیکھنے والوں نے دل دہلا دیے ایک ایسا ہی منظر سوشل میڈیا پر زیر گردش ہے۔
غزہ سے تعلق رکھنے والے ایک فلسطینی باپ کا ایک دل دہلا دینا والا ویڈیو کلپ سامنے آیا ہے، بد قسمت فلسطینی باپ اپنے بیٹے کو دھونڈتا ہوا مردہ خانے میں پہنچا تو اپنھے بیٹے کی لاش دیکھ کر اس پر سکتہ طاری ہوگیا۔
صدمے سے نڈھال فلسطینی کو جوان بیٹے کی لاش دیکھ کر صدمے میں آہ بکا کرتے دیکھا جا سکتا ہے۔غمزدہ باپ نے اپنے بیٹے کو دیکھتے ہی چیخنا چلانا شروع کر دیا اور دل دہلا دینے والا منظر تھا
غزہ کی پٹی پراسرائیلی چھاپوں کے نتیجے میں بیٹا جاں بحق ہوگیا اور غمزدہ باپ نے اپنے بیٹے کو دیکھتے ہی چیخنا چلانا شروع کر دیا اور دل دہلا دینے والا منظر تھا۔ باپ کی دردناک چیخوں نے دیکھنے والوں کو بھی آبدیدہ کردیا۔
یہ دردناک واقعات غزہ میں اسرائیل اور حماس کے جنگجوؤں کے درمیان 7 اکتوبر سے جاری تنازع کے چار ہفتے بعد سامنے آئے ہیں۔
اس عرصے کے دوران جاری جنگ اور پرتشدد اسرائیلی حملوں نے غزہ میں بڑے پیمانے پر تباہی مچائی اور اس پٹی میں 1.4 ملین افراد اپنے گھروں سے بے گھر ہوئے۔
اسرائیلی فضائی اور توپ خانے کے حملوں اور بمباری میں غزہ کی پٹی میں اسکولوں، اسپتالوں اور پناہ گزینوں کے کیمپوں کو بھی نشانہ بنایا گیا۔
خیال رہے کہ اسرائیلی فورسز نے غزہ میں شہری آبادی کے ساتھ ساتھ اسپتالوں، اسکولوں اور مہاجرین کیمپوں سمیت قبرستانوں پر بھی بمباری کر رہی ہے اور 7 اکتوبر سے جاری صیہونی بربریت میں اب تک 3500 سے زائد بچوں اور 2000 سے زائد خواتین سمیت 9 ہزار 500 سے زائد فلسطینی شہید ہو چکے ہیں۔
Facebook Comments