بھارتی اداکارہ انوشکا شرما نے اپنے شوہر ویرات کوہلی کی 35 ویں سالگرہ پر پیار بھرا پیغام جاری کیا ہے۔
اداکارہ انوشکا شرما نے فوٹو اینڈ ویڈیو شیئرنگ ایپ انسٹاگرام پر ویرات کوہلی کی 35 ویں سالگرہ کے موقع پر ان کی باؤلنگ کرانے کی تصویر شیئر کی ہے، یہ تصویر 2011 کی ہے جس وہرات نے اہم ریکارڈ بنایا تھا۔
اداکارہ نے کیپشن میں لکھا کہ ’ ویرات زندگی کے ہر کردار میں زبردست ہیں، لیکن اس کے باوجود اپنے سر پر سجے تاج کو مزید شان بخشنے کے لیے محنت کرتے رہتے ہیں‘۔
اداکارہ نے مزید لکھا کہ میں آپ سے ناقابلِ یقین حد تک پیار کرتی ہوں اور ہمیشہ کرتی رہوں گی، دنیا میں موجود پیار کے اظہار کے ہر ایک ممکن طریقے کے ذریعے آپ سے پیارکرتی رہوں گی۔
واضح رہے کہ انوشکا اور ویرات نے سال 2017 میں اٹلی میں شادی کی، اس جوڑے کے ہاں 11 جنوری 2021 میں ننھی پری کی آمد ہوئی جسکو دونوں فنکاروں نے میڈیا سے دور رکھنے کا فیصلہ کیا۔
Facebook Comments