افغان باشندوں کی واپسی کے عمل کو سبوتاژ کرنے کا گھناؤنا منصوبہ بے نقاب ہوگیا۔ اب تک 1 لاکھ 26 ہزار سے زائد افغان باشندے بغیر ناخوشگوار واقعے کے واپس افغانستان جا چکے ہیں۔
افغان باشندے حکومت کے بہترین انتظامات کی بدولت واپس اپنے ملک جا رہے ہیں۔ ملک دشمن قوتیں اس عمل کو سبوتاژ کرنے کیلیے متحرک ہو چکی ہیں۔ منصوبے کے مطابق غیر ملکیوں کیلیے قائم کیمپس یا نقل و حرکت کے دوران شرانگیزی کا منصوبہ بنایا گیا۔
مذموم عناصر کو ایسی تصاویر اور وڈیوز بنانے کا کہا گیا جس میں سکیورٹی اہلکاروں کو زور زبردستی کرتے دکھایا جائے۔ عناصر کی جانب سے عورتوں اور بچوں کو تصاویر اور ویڈیوز میں شامل کرنے کی ہدایات دی گئیں۔
مذموم عناصر کی تصاویر اور ویڈیوز کو پاکستان کے خلاف پروپیگنڈے کیلیے استعمال کیا جا سکے۔
ذرائع کے مطابق اسپین بولدک افغانستان میں لاگڑیوں کے ساتھ ایک میٹنگ کی گئی۔ چمن اور اسپین بولدک میں پر تشدد احتجاجی مظاہروں سے انتشار پھیلانے کا منصوبہ بھی بنایا گیا۔
گھناؤنے منصوبے کے مطابق کراسنگ پوائنٹس پر فائرنگ کروائی جائے جس سے انتشار پھیلایا جا سکے۔ مذموم اور گھناؤنے منصوبے کا مقصد پاکستان اور افغانستان میں کشیدگی کو بڑھانا ہے۔
Facebook Comments