fbpx
خبریں

غزہ جنگ : جاپانیوں کی بڑی تعداد اسرائیل کیخلاف سڑکوں پر

ٹوکیو : غزہ میں جاری اسرائیلی بربریت کیخلاف مختلف ممالک میں احتجاجی مظاہروں کا سلسلہ جاری ہے اب جاپان کے شہری بھی بے گناہ فلسطینیوں کی حمایت میں سراپا احتجاج ہیں۔

جاپان کی مسلم کمیونٹی سے تعلق رکھنے والے تقریباً ایک ہزار مظاہرین نے گزشتہ روز ٹوکیو کے ایچی گائیا ڈسٹرکٹ میں اسرائیلی سفارت خانے کے قریب جمع ہو کر غزہ پر بمباری کے خلاف احتجاج کیا۔

عرب نیوز کی رپوٹ کے مطابق مظاہرین نے قابض اسرائیلی فوج کی جانب سے غزہ میں شہریوں پر بمباری پر اپنے غصے کا اظہار کیا۔

جاپان

مظاہرین میں شامل ایک فلسطینی خاتون نے بتایا کہ ان کے خاندان کے کئی افراد جو غزہ میں قیام پذیر تھے، اسرائیلی بمباری میں مارے گئے ہیں اور وہ غزہ میں جنگ بندی دیکھنا چاہتی ہے۔

مظاہرے میں شامل انڈونیشیائی، بنگلہ دیشی، پاکستانی، مراکشی، ترک اور ازبک کیونٹیز کے باشندوں نے ’اسرائیل دہشت گرد‘ کے نعرے لگائے۔

مظاہرہ

واضح رہے کہ غزہ کی پٹی میں اسرائیلی فوج کے حملوں کے نتیجے میں اب تک آٹھ ہزار سے زائد فلسطینیوں کی شہادت ہوچکی ہیں جن میں خواتین اور بچوں کی بڑی تعداد شامل ہے۔

Comments




Source link

Facebook Comments

رائے دیں

Back to top button