نیب ترامیم کیس کے فیصلے پر نگراں وزیراعظم کا ردعمل آگیا

اسلام آباد : نیب ترامیم کیس کے فیصلے پر نگراں وزیراعظم انوارالحق کاکڑ کا کہنا ہے وزارت قانون کے مؤقف کے بعد جو بھی فیصلہ ہوگا شیئرکریں گے۔

تفصیلات کے مطابق نگراں وزیراعظم انوار الحق کاکڑ نے سپریم کورٹ کے نیب ترامیم کیس میں فیصلے پر ردعمل دیتے ہوئے کہا کہ نیب ترامیم کیس پر وزارت قانون کے مؤقف کے بعد جو بھی فیصلہ ہوگا شیئر کریں گے۔

انوار الحق کاکڑ کا کہنا تھا کہ مجھ سمیت ہر کسی کیلئے قانون برابر ہے، ہماری پوری کوشش ہو گی نیک نیتی سے کام کریں۔

انتخابات کی تاریخ سے متعلق ان کا کہنا تھا کہ اگرانتخابات کی تاریخ کااعلان میں کروں گا توغیرقانونی کام کرونگا، آپ ہی ہمیں غیرقانونی کام کی طرف راغب کرینگے توکیا جواب دوں.

انوار الحق کاکڑ کا کہنا تھا کہ کسی چھوٹی یا بڑی مچھلی کو نہیں جانتا ،میں صرف قانون کی مچھلی کو جانتا ہوں۔

نگراں وزیراعظم نے مزید کہا کہ دہشت گردی کا خاتمہ ہمارے ایجنڈےکی ٹاپ لسٹ میں ہے، نیشنل ایکشن پلان کےتحت ہماری ایپکس کمیٹی ریوائوہوئی ہیں، ملٹری اورسویلین لااینڈفورسمنٹ کی جانب سے مانیٹر کیا جا رہا ہے۔

ان کا کہنا تھا کہ وی لاگ ایسا پلیٹ فارم ہے،جو بہت زیادہ پاپولر ہوگیا ہے، ایسی کوئی چیزنہیں کہ پالیسیزکےحوالےسےسوالات نہ اٹھائے گئے ہوں، ہمارے خطے میں ہم رہ رہے ہیں سب سے زیادہ آزادی اظہار رائے پاکستان میں ہے، کئی ٹاک شو دیکھتا ہوں، جس میں حکومت پر تنقید ہوتی ہے، بہت سی تنقید پر ہمیں اتفاق نہیں ہوتا مگر وہ پھر بھی آن ایئر ہوتی ہیں۔

Comments