بدھ کے روز ایوان زیریںکا اجلاس ڈپٹی سپیکر قومی اسمبلی سید غلام مصطفی شاہ کی زیر صدارت پارلیمنٹ ہاوس میں منعقد ہوا۔ اجلاس شروع ہوا تو حسب روایت ممبران کی حاضری روایتی تھی جس پر پاکستان تحریک انصاف کے ایم این اے اقبال آفریدی نے کورم کی نشاندہی کردی۔ کورم پورا نہ ہونے پر ڈپٹی سپیکر کو ایوان کا اجلاس تھوڑی دیر کے لیے موخر کرنا پڑا۔ راجا پرویز اشرف نے حکومت پنجاب کی جانب سے مری کی تاریخی حیثیت کو ختم کرنے کے منصوبہ جات کے خلاف احتجاج کرنے والوں پر مقدمات درج کیے جانے کی پرزور الفاظ میں مذمت کی۔
