چیمپیئنز ٹرافی: آسٹریلیا کے خلاف ’کوارٹر فائنل‘ افغانستان کو فیورٹ کیوں قرار دیا جا رہا ہے؟/ اردو ورثہ
چیمپیئنز ٹرافی کے ایک اہم میچ میں آج لاہور کے قذافی سٹیڈیم میں آسٹریلیا اور افغانستان آمنے سامنے ہوں گے، اور جو ٹیم جیتے تھے، وہ سیمی فائنل میں پہنچ جائے گی۔ تاہم بارش اس میچ کو متاثر کر سکتی ہے۔ موسمیاتی ویب سائٹس کے مطابق دو بجے کے قریب لاہور میں بارش کا 20 فیصد امکان ہے۔
افغانستان نے دو دن قبل انگلینڈ کے خلاف شاندار فتح حاصل کی تھی اور اب ان کی نظریں سیمی فائنل پر ہیں۔ ماضی کا ریکارڈ آسٹریلیا کے حق میں ہے، اور وہ افغانستان سے کبھی نہیں ہارے، لیکن دو سال قبل انہوں نے ون ڈے ورلڈ کپ 2023 کے دوران ایک شاندار فتح تقریباً حاصل کر لی تھی، لیکن گلین میکسویل نے غالباً کرکٹ کی تاریخ کی بہترین اننگز کھیل کر جیتے ہوئے میچ کو افغانستان کی شکست میں تبدیل کر دیا۔ افغانستان صرف آئی سی سی ایونٹس میں آسٹریلیا کے خلاف کھیلا ہے اور انہوں نے کبھی دو طرفہ میچ نہیں کھیلے۔ ظاہر ہے کہ ایسے میچوں میں ہر ٹیم اپنی بہترین ٹیم اور پوری طاقت کے ساتھ میدان میں اترتی ہے۔
تاہم موجودہ آئی سی سی چیمپئنز ٹرافی میں آسٹریلیا اپنی بہترین ٹیم کے ساتھ نہیں کھیل رہا کیوں کہ کیونکہ ان کے تین زبردست فاسٹ بولر پیٹ کمنز، مچل سٹارک، جوش ہیزل ووڈ زخمی ہونے کی وجہ سے سکواڈ کا حصہ نہیں بن سکے۔
یہی نہیں بلکہ مارکس سٹوئنس اور مچل مارش جیسے آل راؤنڈر بھی نہیں کھیل رہے، جس کی وجہ سے بعض لوگ اس ٹیم کو آسٹریلیا کی بی ٹیم کہہ رہے ہیں کیوں کہ ان کی بولنگ نسبتاً ناتجربہ کار اور بیٹنگ لائن میں گہرائی کم نظر آتی ہے
افغانستان کے ان فارم بلے باز آسٹریلیا کی بولنگ کی کمزوری کا بھرپور فائدہ اٹھانے کی صلاحیت رکھتے ہیں۔
اس سیکشن میں متعلقہ حوالہ پوائنٹس شامل ہیں (Related Nodes field)
اپنے گذشتہ میچ میں انگلینڈ کی مضبوط بولنگ کے خلاف افغانستان کے ابراہیم زادران نے ریکارڈ ساز 177 رنز کی اننگز کھیلی تھی جو چیمپیئنز ٹرافی کی تاریخ کا سب سے بڑا انفرادی سکور ہے۔
دوسرا اہم نکتہ یہ ہے کہ سپن کے میدان میں بھی افغانستان کو برتری حاصل ہے، خاص طور پر پاکستان کی وکٹیں، جہاں گیند سپین ہونے کے امکانات ہوتے ہیں۔ صرف راشد خان ہی نہیں، افغانستان کے پاس دوسرے عمدہ سپنروں کی پوری کھیپ موجود ہے۔ اگر انہیں دفاع کے لیے اچھا سکور دیا جائے تو وہ بڑی سے بڑی بیٹنگ لائن پر دباؤ ڈال سکتے ہیں۔
ماضی کا ریکارڈ تو یقیناً آسٹریلیا کے حق میں ہے، لیکن موجود حالات میں بظاہر افغانستان کو معمولی برتری حاصل ہے۔ افغانستان نے ٹی 20 ورلڈ کپ 2024 میں آسٹریلیا کو شکست دی تھی اور اگر وہ انہیں کسی اور آئی سی سی ایونٹ میں شکست دے دیں تو یہ کوئی تعجب کی بات نہیں ہو گی۔
