fbpx
خبریں

پاکستان غزہ معاہدے کے تحت رہا ہونے والے فلسطینیوں کی میزبانی کرے گا: رپورٹ/ اردو ورثہ

فلسطینی خبر رساں ایجنسی قدس پریس نے پیر کو اپنی رپورٹ میں کہا کہ پاکستان ان چار ممالک میں شامل ہے جنہوں نے غزہ میں سیز فائر معاہدے کے تحت رہا ہونے والے فلسطینی قیدیوں کی میزبانی پر رضامندی ظاہر کی ہے۔

قدس پریس نے پیر کو ’اعلیٰ حماس عہدے دار‘ کے حوالے سے رپورٹ کیا کہ ’(حماس) تحریک اس وقت کئی ممالک سے مذاکرات کر رہی ہے تاکہ رہا کیے گئے باقی ماندہ قیدیوں کی میزبانی کے لیے منظوری حاصل کی جا سکے۔‘

’اب تک جن ممالک نے ان قیدیوں کو قبول کرنے پر رضامندی ظاہر کی ہے، ان میں ترکی، قطر، پاکستان اور ملائیشیا شامل ہیں۔‘

انڈپینڈنٹ اردو نے اس حوالے سے پاکستان کی وزارت داخلہ اور وزارت خارجہ سے رابطہ کیا ہے۔

وزارت داخلہ نے اس معاملے پر لاعلمی ظاہر کی جبکہ خبر شائع ہونے تک وزارت خارجہ کا ردعمل نہیں آیا۔

قدس پریس کے مطابق اسرائیل کی جانب سے رہا کیے گئے 99 فلسطینی قیدیوں کو مصر جلاوطن کر دیا گیا جب کہ فائر بندی کا پہلا مرحلہ مکمل ہونے تک 263 قیدیوں کی رہائی متوقع ہے۔

اس سیکشن میں متعلقہ حوالہ پوائنٹس شامل ہیں (Related Nodes field)

رپورٹ میں کہا گیا کہ منگل (چار فروری) کو 15 فلسطینی قیدیوں کے قاہرہ سے ترکی پہنچنے کی توقع ہے۔

رپورٹ کے مطابق حماس، الجزائر اور انڈونیشیا سے بھی قیدیوں کی میزبانی کے حوالے سے مذاکرات کر رہی ہے جب کہ تیونس نے قیدیوں کو قبول کرنے سے معذرت کر لی۔

یہ رپورٹ ایک ایسے وقت سامنے آئی ہے جب منگل کو معاہدے کے دوسرے مرحلے پر مذاکرات شروع ہونے جا رہے ہیں۔

فلسطینی سرزمین، جس میں غزہ کی پٹی، مغربی کنارے اور مشرقی بیت المقدس شامل ہیں، 1967 سے اسرائیلی قبضے میں ہے۔

سات اکتوبر، 2023 کے بعد سے اسرائیل نے مسلسل جارحیت کرتے ہوئے غزہ کو تباہ کر دیا ہے۔

حماس کے زیرانتظام وزارت صحت کے مطابق اسرائیلی حملوں میں اب تک 47 ہزار سے زائد فلسطینیوں کی جان جا چکی ہے جبکہ ہزاروں سکول، گھر اور ہسپتال تباہ ہو چکے ہیں۔




Source link

رائے دیں

Back to top button
Close

Adblock Detected

برائے مہربانی ایڈ بلاکر ختم کیجئے