پاکستان کی حکومت آج (منگل کو) اگلے پانچ برسوں کے لیے تشکیل دیے گئے قومی اقتصادی تبدیلی کے منصوبے کا آغاز کرنے جا رہی ہے۔
یہ پانچ سالہ منصوبہ ’پانچ ایز‘ (برآمدات، ای-پاکستان، مساوات اور بااختیاری، ماحولیاتی، خوراک اور پانی کا تحفظ، اور توانائی اور بنیادی ڈھانچہ) کے تحت اہم اقتصادی مسائل حل کرنے کے لیے ایک ہدف شدہ فریم ورک فراہم کرتا ہے۔
انہوں نے گذشتہ روز ایک تقریب میں کہا تھا کہ یہ منصوبہ کئی نکات پر مبنی ہے جنہیں ملکی ترقی و خوشحالی کے لیے بروئے کار لانا ضروری ہے۔
انہوں نے ملکی وسائل کو برآمدات پر مبنی معیشت کو فروغ دینے کی جانب موڑنے کی اہمیت پر زور دیا۔
اس سیکشن میں متعلقہ حوالہ پوائنٹس شامل ہیں (Related Nodes field)
انہوں نے کہا کہ پاکستان کو ابھرتی ہوئی ٹیکنالوجیز کے ساتھ اپنی انسانی وسائل کو ہم آہنگ کرنا ہو گا۔
’ہم نے گذشتہ 16 ماہ میں پاکستان کو درپیش اہم مسائل کا جائزہ لیا اور ان ترجیحات کی نشاندہی کی جن کی بنیاد پر ایک مستحکم بنیاد قائم کی جا سکتی ہے۔ اس سے پانچ ایز فریم ورک بنا، جو ہمارے بنیادی چیلنجز کو حل کرے گا۔‘
انہوں نے وضاحت کی کہ اس فریم ورک میں برآمدات کو بڑھانا اور متنوع بنانا شامل ہے تاکہ برآمدات پر مبنی ترقی معیشت کا مرکزی جزو بن سکے، ڈیجیٹل تبدیلی کی طاقت کو استعمال کرتے ہوئے پاکستان کو ایک تکنیکی معیشت میں تبدیل کیا جا سکے، ماحولیاتی، خوراک اور پانی کے تحفظ کو یقینی بنا کر پائیداری حاصل کی جا سکے، توانائی کے وسائل کا مؤثر استعمال اور کم لاگت پر توجہ دی جا سکے، اور ملٹی موڈل ٹرانسپورٹ کاریڈورز تعمیر کیے جا سکیں۔
انہوں نے کہا کہ فریم ورک مساوات، اخلاقیات اور بااختیاری کو بھی فروغ دیتا ہے، جس میں نوجوانوں اور خواتین کو مستقبل کی ترقی کے عمل میں اہم کردار ادا کرنے کے لیے اہمیت دی گئی ہے۔
تقریب سے خطاب کرتے ہوئے وفاقی وزیر نے سول سرونٹس پر زور دیا کہ وہ عوامی مسائل کے بہتر انتظام کے لیے اپنی تمام صلاحیتوں کو بروئے کار لائیں۔
قومی اقتصادی تبدیلی منصوبے کے ذریعے پاکستان کی اقتصادی مضبوطی اور عالمی مسابقت کے لیے ایک روڈ میپ فراہم کیا جائے گا۔
اپریل 2024 کے شروع میں وزیر اعظم شہباز شریف نے ملکی برآمدات کو دو گنا کرنے کے لیے ایک جامع پانچ سالہ حکمت عملی بنانے اور باہمی تعاون پر مبنی نقطہ نظر کی اہمیت پر زور دیا تھا۔
انہوں نے وزارت تجارت سے کہا کہ وہ کامیاب تاجروں اور سٹیک ہولڈرز کی مشاورت سے برآمدات کی حکمت عملی وضع کریں۔
