اسرائیل کی فوج نے ہفتہ کو کہا کہ وہ یمن سے داغے گئے ایک ’میزائل‘ کو روکنے میں ناکامی ہو گئی، جو تل ابیب کے قریب آ کر گرا۔
اسرائیلی پولیس نے کہا، ’تھوڑی دیر پہلے تل ابیب کے ضلع میں ایک بستی میں ہتھیار گرنے کی اطلاعات موصول ہوئی ہیں۔‘
قومی طبی خدمات نے بتایا کہ واقعے میں تین افراد کو معمولی چوٹیں آئیں، جنھیں ہسپتال منتقل کر دیا گیا۔
اس سیکشن میں متعلقہ حوالہ پوائنٹس شامل ہیں (Related Nodes field)
کئی دیگر افراد کو موقعے پر ہی طبی امداد فراہم کی گئی، جن میں صدمے کے شکار افراد بھی شامل ہیں۔
اسرائیلی فوج نے اپنے ٹیلی گرام چینل پر کہا: ’مرکزی اسرائیل میں تھوڑی دیر پہلے بجنے والے سائرن کے بعد، یمن سے داغے گئے ایک میزائل کی نشاندہی کی گئی، اور اسے روکنے کی کوششیں ناکام ہو گئیں۔‘
جوابی کارروائی میں اسرائیل نے یمن میں متعدد مقامات کو نشانہ بنایا، جن میں بندرگاہیں اور توانائی کی سہولیات شامل ہیں جو حوثیوں کے زیر کنٹرول علاقوں میں واقع ہیں۔
